Soomaaliya ayaa ku ammaantay Turkiga “taageerada hagar la’aanta ah” iyo xiriirka diblomaasiyadeed ee adag.
Dalka Geeska Afrika ayaa shahaado sharaf ku maamuusay safiirka Turkiga ee Soomaaliya, Alper Aktas iyo agaasimaha hay’adda bisha cas ee Turkiga Serif Simsek, kadib munaasabad ka dhacday magaalada Muqdisho.
Intii ay socotay xafladda ayaa waxaa ka hadlay Madaxa Hay’adda Maareynta Musiibooyinka Qaranka Soomaaliyeed (SoDMA) Maxamuud Macallin oo sheegay in Soomaaliya ay uga mahadcelineyso Turkiga, iyo shacabka Turkiga taageerada deeqsinimada leh ee ay la garab taagan yihiin iyo xiriirka diblomaasiyadeed ee adag, sida lagu sheegay war-saxaafadeedka Hay’adda.
Horaantii bishan, Soomaaliya ayaa tababar u soo xirtay ku dhawaad 200 oo ka mid ah shaqaalaha Hay’adda Maareynta Musiibooyinka Qaranka Soomaaliyeed oo gacan ka helaya Turkiga.
Tababarkan oo socday muddo bil ah ayaa waxaa lagu qabtay Isbitaalka Tababarka iyo Cilmi-baarista ee Soomaaliya ee Muqdisho, kaasoo loo yaqaanno Isbitaalka Erdogan.
Turkiga oo saaxiib dhow la ah Soomaaliya ayaa maalgeliyay waxbarashadiisa, kaabayaasha dhaqaalaha iyo caafimaadka wuxuuna u fidiyay gargaar bani’aadanimo oo ballaaran.
Turkiga ayaa magaalada Muqdisho ku leh xarunta ugu weyn ee ciidamada lagu tababaro ciidamada xoogga dalka Soomaaliyeed.
