Lix qof ayaa lagu soo waramayaa in todobaadkan lagu dilay weerar ka dhacay Masjid ku yaala Ismaamulka Soomaalida Itoobiya.
BBC Amxaari oo soo xigatay dadka deegaanka iyo odayaasha ayaa ku soo waramaya in shilkan uu Talaadadii ka dhacay magaalada Wardare ee aagga Doollo, Masjidka loo yaqaano Kujir. Alki Mohammed Mohamud oo ka mid ah goob joogayaal ayaa sheegay in dadka la laayay ay ahaayeen dhalinyaro.
Dadka la dilay ayaa ahaa arday fiqi bartay, waxaana la dilay xilli ay isku diyaarinayeen Salaadda Salaadda, sida ay wararku sheegayaan. “Dilka lixda dhalinyarada ah waa mid aad looga naxo,” ayuu Alki ku daray. Dhacdadan ayaa lagu soo waramayaa in ay aad uga naxeen dhamaan bulshada ku dhaqan magaaladaasi. Ciidamo ka tirsan kuwa dowladda ayaa la geeyay goobta uu falka ka dhacay ka dib.
Weerarkan ayaa la sheegay inuu la xiriiro colaado salka ku haya isir ku salaysan deegaankaas. Waxaa la sheegay in sanadkii hore sidan oo kale ay u dhaceen rabshado salka ku haya qoomiyadaha oo u dhexeeya qowmiyadaha wada dega deegaankaasi.
Sida ay ku warantay BBC-da Amxaariga, ragga weerarka geystay ayaa la yimid gaari yar oo ay la socdeen Masjidka, waxaana ay fuliyeen weerarka.
Dadka dhintay ayaa maanta oo Arbaca ah Aas Qaran loogu sameeyay magaalada Wardare.
