Golaha Wasiirada Somaliya, ayaa maanta oo Khamiis ah u magacaabay Taliyaha Ciidanka Booliska Somaliya General Asad Cismaan C/laahi, isagoo bedelaya Sareeye Gaas Sulub Axmed Firin.
Wasaaradda Amniga Gudaha ayaa soo jeedisay magacaabistiisa inta lagu guda jiro shirka todobaadlaha ah ee golaha Wasiirada.
Jeneraal Cabdullaahi ayaa horay u soo noqday Taliyaha Ciidanka Birmadka Puntland ee PSF 2007 ilaa 2018.
Madaxweyne Xasan Sheekh Maxamuud ayaa Arbacadii xilka u dalacsiiyay Sarreeye Gaas Sulub Axmed Firin, kaddib munaasabad ka dhacday magaalada Muqdisho. Ra’iisul Wasaare Xamza Cabdi Barre ayaa Khamiistii u magacaabay Wasiir ku xigeenka Wasaaradda Gaadiidka iyo Duulista Hawada.
