Ciidamada Kenya ee qeybta ka ah howlgalka Midowga Afrika ee AMISOM ayaa maanta si rasmi ah ugu wareejiyay Saldhigga Ciidanka Xoogga dalka Soomaaliyeed ee Buur-Gabo ee Gobolka Jubbada Hoose, iyadoo qeyb ka ah wajiga 3-aad ee dhimista Ciidamada. .
Munaasabadda xil wareejinta oo la qabtay maalintii Arbacada oo ay goob joog ka ahaayeen madaxda ciidamada iyo wakiilo ka socday dowladda, ayaa calaamad muhiim ah u ah wadadii ay Soomaaliya u mari lahayd sidii ay si buuxda ula wareegi lahayd howlaheeda amniga. Col. Suleymaan Ibraahim oo ah madaxa ciidamada ATMIS oo hogaaminayey xil wareejinta, ayaa xaqiijiyey taageerada joogtada ah ee ATMIS iyo sida ay diyaarka ugu yihiin in ay gacan siiyaan ciidanka SNAF si ay u guda galaan mas’uuliyado cusub oo ku aadan sugida amniga gobolka. Wuxuu ku ammaanay ciidamada Kenya ee qeybta 2aad sida ay ugu heelan yihiin nabadda iyo xasiloonida, isagoo xusay in guulo laga gaaray wada shaqeynta ay la leeyihiin ciidamada Soomaaliya ee ku sugan Jubaland.
Guddoomiyaha degmada Badhaadhe, Gen. Maxamed Ibraahim Faarax, ayaa bogaadiyay taageerada joogtada ah ee ciidamada KDF ay ka geysanayaan xaqiijinta xasilloonida iyo ammaanka Jubbada Hoose. Waxa uu ku dhiiri galiyay ciidamada xoogga dalka Soomaaliyeed in ay sii wadaan dardar gelinta guulahaas, isagoo tilmaamay in xil wareejinta ay tahay tallaabo loo qaaday Soomaaliya oo ay isku filnaato.
Mas’uuliyiintii ka soo qeybgashay waxaa ka mid ahaa Taliye ku xigeenka qeybta labaad ee ATMIS Col. Meshack Kishoyian, Taliyaha FOB ee xilka ka degaya Maj. Charles Kaara, Taliyaha FOB ee xilka la wareegaya Maj. Muktar Maxamed, iyo wakiilo ka kala socday ATMIS, SNAF, iyo Xafiiska Taageerada Qaramada Midoobay ee Soomaaliya (UNSOS). Dhacdadan wadajirka ah ayaa xoogga saartay sida ay uga go’an tahay mideysan ee ku aaddan amniga iyadoo ciidamada qalabka sida ee Soomaaliya ay si tartiib tartiib ah ula wareegayaan goobihii ay ATMIS-ku horay u haysteen.
Ku wareejinta Bur-Gabo FOB ee SNAF waa qayb ka mid ah istaraatiijiyadda kala guurka ballaaran ee ATMIS ee lagu wareejinayo mas’uuliyadda ciidamada amniga Soomaaliya si loogu diyaar garoobo bixitaanka ATMIS ee ugu dambeyntii.
