Taliyaha Ciidanka Booliska Soomaaliyeed Gen. Asad Cismaan ayaa kulan gaar ah la qaatay Taliyaha Booliska Gobolka Banaadir iyo Taliyeyaasha Booliska degmooyinka Muqdisho, isagoo kala hadlay sidii loo ilaalin lahaa xasiloonida Caasimadda. Intii uu socday kulanka ayaa Gen. Cismaan waxa uu ku nuux-nuux saday muhiimadda ay leedahay in la dhowro sharciga, waxa uuna kula dar daarmay taliyeyaasha Booliska degmooyinka in ay dhaqan geliyaan hab dhaqameed oo muhiimad gaar ah u leh ilaalinta xuquuqda aadanaha iyo daryeelka dadka ku jira gacanta booliska.
Guddoomiyaha ayaa kula dar daarmay dhammaan taliyeyaasha booliska gobolka Banaadir in ay xaqiijiyaan in ku dhaqanka sharciga ay ka tarjumayaan ixtiraamka xuquuqda aadanaha iyo in ay u hoggaansamaan mabaadi’da sharafta iyo isla xisaabtanka. “Habkayaga booliiska waa in aan mudnaanta siinaa xuquuqda iyo wanaagga dadka aan u adeegno,” ayuu yiri Gen. Cismaan. Hadalkiisa ayaa hoosta ka xarriiqaya ballan-qaadka joogtada ah ee ka dhex jira ciidamada booliska ee ku aaddan in dhaqamada ku wajahan xuquuqda aadanaha lagu daro hawlgallada sharci-fulinta ee Soomaaliya.
Kulankan ayaa daba socda dhacdo muhiim ah bishii Luulyo markii shan maxbuus oo la sheegay inay ka tirsanaayeen kooxda Al-Shabaab oo ay la socdeen saddex ilaalo ah ay naftooda ku waayeen isku day dil oo rabshado watay oo ka dhacay xabsiga Muqdisho. Sida laga soo xigtay maamulka xabsiga iyo dad goobjoogayaal ah, is-rasaasayntu waxay keentay in rasaas la is weydaarsado, taas oo hoosta ka xariiqday caqabadaha ammaan ee gobolka iyo baahida loo qabo in si taxadar leh loola socdo xarumaha lagu hayo.
Baaqa Jeneral Cismaan ee ku aadan dib u habeynta ayaa ku soo aadaya xili ciidamada Booliiska Soomaaliyeed ay ku howlan yihiin isku dheelli tirka sugida amniga iyo ilaalinta xuquuqda shaqsiga. Codsigii uu u jeediyay taliyeyaasha booliiska degmada si ay u qaataan hab bini’aadantinimo iyo xuquuq ku salaysan ayaa la jaan qaadaya dadaallada ballaaran ee lagu wanaajinayo kalsoonida dadweynuhu ku qabaan fulinta sharciga.
