Wasiirka Arrimaha Dibadda Masar Badar Abdelatty, oo khudbad ka jeedinaya doodda Guud ee Kalfadhiga 79-aad ee Golaha Guud ee Qaramada Midoobay Sabtidii 29-kii Sebtember 2024
Wasiirka Arrimaha Dibadda Masar, Badar Abdelatty, oo khudbad ka jeediyay dooda guud ee kalfadhiga 79-aad ee Golaha loo dhan yahay ee Qaramada Midoobay, ayaa muujiyay walaaca Masar ay ka qabto dhibaatada biyaha wabiga Niil, wuxuuna cambaareeyay tallaabooyinka hal dhinac oo halis ku ah qaranimada Soomaaliya.
Isagoo ka hadlayay arrinta webiga Niil, Abdelatty wuxuu ku nuuxnuuxsaday in aragtida Masar ee xallinta dhibaatada biyaha ay ku saleysan tahay ka faa’iideysiga dhammaan dhinacyada iyo hubinta isticmaalka cadaalad ah iyada oo aan waxyeello loo geysan waddamada hoose. Waxa uu Itoobiya ku eedeeyay in ay ku xad-gudbi doonto sharciga caalamiga ah, isla markaana ay si gooni ah arrintan uga hadashay.
“Aragtida Masar ee xallinta dhibaatada biyaha waxay ku salaysan tahay ka faa’iidaysiga dhammaan dhinacyada iyo isticmaalka caddaaladda ah iyada oo aan waxyeello loo geysan waddamada hoose,” ayuu yidhi Abdelatty. “Itoobiya waxay ku xad gudubtay sharciga caalamiga ah waxayna u maareysay arrinta biyaha si kali ah.”
“Qof kasta oo u malaynaya in Masar ay ka tanaasuli doonto khatar kasta oo jirta waa khalad,” Abdelatty wuxuu ka digay arrinta biyo xidheenka Nile ee Itoobiya.
Wuxuu kaloo cambaareeyay dhammaan ficillada hal dhinac oo halis ku ah midnimada Soomaaliya iyo madax-bannaanida dhulkeeda oo dhan.
Abdelatty ayaa sidoo kale cambaareeyay weerarrada Israa’iil ay ku hayso Lubnaan, wuxuuna ku baaqay xabbad joojin degdeg ah. Waxa uu dhaleeceeyay ficillada Israa’iil ee Gaza iyo Daanta Galbeed, isaga oo ku dooday in ay soo bandhigeen daciifnimada iyo heerka labanlaab ee beesha caalamka. Abdelatty ayaa sidoo kale carabka ku adkeeyay baahida loo qabo in dib u habeyn lagu sameeyo nidaamka Qaramada Midoobay si wax looga qabto caqabadaha caalamiga ah.
“Waxaan cambaareyneynaa weerarrada Israel ay ku hayso Lubnaan, waxaana ku baaqaynaa xabbad-joojin degdeg ah,” ayuu yiri Abdelatty.
Gardarada arxan darada ah ee Israa’iil ee Gaza iyo Daanta Galbeed waxay daaha ka qaaday daciifnimada iyo labanlaabnaanta beesha caalamka,” ayuu yidhi Abdelatty. “Sharciga Qaramada Midoobay ayaa halis ku jirta, nidaamka caalamiga ah wuxuu u baahan yahay dib u habeyn si wax looga qabto baaxadda caqabadaha aan wajahayno.”
Abdelatty wuxuu sharraxay dadaallada Masar ay ku dhexdhexaadinayso xallinta khilaafka. “Masar iyo Qatar waxay dhexdhexaadiyeen heshiis, laakiin Israa’iil ayaa hor istaagtay wadahadallada,” ayuu yidhi.
Abdelatty ayaa sidoo kale ka hadlay xaaladda Suudaan, isagoo muujiyay taageerada Masar ee ku aaddan xal siyaasadeed oo xaqiijinaya midnimada iyo nabadda dalka iyo xoojinta hay’addeeda. Waxa uu ku baaqay in Liibiya laga gaaro xal siyaasadeed oo soo afjaraya marxaladda KMG ah, una gogol xaareysa doorashooyinka madaxtinimo iyo kuwa baarlamaanka
