Dowladda Federaalka ah ee Soomaaliya ayaa isku diyaarinaysa in ay Qaramada Midoobay iyo Midowga Afrika u bandhigto soo jeedinteeda ku aaddan howlgalka Midowga Afrika ee Soomaaliya (AUSSOM). Howlgalkan cusub ayaa badali doona howlgalka Midowga Afrika ee ku meel gaarka ah ee Soomaaliya (ATMIS), sida laga soo xigtay ilo ku dhow dhow dooda.
Madaxweyne Xasan Sheekh Maxamuud ayaa kulamo gaar gaar ah la yeelanaya madaxda dalalka Uganda, Burundi, Djibouti iyo Kenya, kuwaasoo ku saabsan howlgalka AUSSOM ee la qorsheeyay inuu bilowdo sanadka 2025-ka. iyadoo ay ugu wacan tahay faragelinta joogtada ah ee ay ku hayso arrimaha Soomaaliya, gaar ahaan ku xad-gudbida madax-bannaanida Soomaaliya oo ay ku xad-gudbi doonto falal loo arko gardarro.
Dowladda Soomaaliya ayaa carabka ku dhufatay in loo baahan yahay in Itoobiya lagu cadaadiyo in ay ka baxdo Soomaaliya, maadaama lagu eedeeyay in ay ka gudubtay xuduudeeda oo ay faragelin ku heyso arrimaha gudaha ee dalka. Ka qaadista Itoobiya ee howlgalka cusub ayaa loo arkaa mid muhiim u ah ilaalinta midnimada dhuleed iyo midnimo qaran ee Soomaaliya.
Wakiilo ka socda Qaramada Midoobay iyo Midowga Afrika ayaa bilaabay inay yimaadaan Soomaaliya si ay u dhameystiraan qaab dhismeedka howlgalka AUSSOM. Wadahadalladan ayaa ujeedadoodu tahay in howlgalka lagu soo daro dalal dheeraad ah iyadoo laga saarayo Itoobiya.
Maalmaha soo socda ayaa la filayaa in magaalada Muqdisho ay ka dhacaan shirar dhowr ah oo diiradda lagu saarayo hirgelinta howlgalka AUSSOM, iyadoo si gaar ah diiradda loo saari doono go’aanka Soomaaliya ay Itoobiya uga saartay howlgalka Itoobiya, maadaama ay ku xadgudubtay madax banaanida, midnimada iyo madax-bannaanida dalka.
