Dagaallo xooggan ayaa ka socda duleedka magaalada caasimadda ah ee Itoobiya, iyadoo dowladda federaalka ay iska hor-imaadyo xooggan kala kulmeen ciidamo ka tirsan maleeshiyada FANO. Xiisadan oo marba marka ka danbaysa sii xumaanaysa ayaa ka qaraxday meel u dhow magaalada Addis Ababa, kadib markii ay dowladdu ciidamo dheeraad ah geysay magaalada iyo deegaanada ku xeeran.
Maleeshiyada FANO ayaa maalmihii la soo dhaafay ku soo qul qulayay caasimadda, iyagoo weeraro rogaal celis ah ku qaaday ciidamada dowladda oo gurmad ahaa. Dadaal lagu xoojinayo difaaca magaalada, ayaa lagu soo waramayaa in dowladda Itoobiya ay kordhisay joogitaanka ciidamada federaalka ee magaalada Addis Ababa, oo sidoo kale ah xarunta Midowga Afrika. Rabshadaha ayaa hakad geliyay isu socodkii gobollo badan oo ka tirsan Itoobiya.
Colaadda sokeeye ee socota ayaa sii xoogeysatay tan iyo 2020 markii la isku afgaran waayay doorashooyinkii gobolka Tigray uu dhaliyay colaad u dhaxeysa ciidamada gobolka iyo kuwa federaalka, rabshadahaas oo ku faafay dhammaan waqooyiga Itoobiya.
