Shirka saddexaad ee dib u eegista Wasiirada ayaa lagu qaban doonaa Jabuuti 2-da iyo 3-da Nov, sida ay ilo-wareedyo diblomaasiyadeed oo Turki ah u sheegeen koox wariyeyaal ah.
Wasiirka arrimaha dibadda Hakan Fidan ayaa Turkiga ku matali doona shirka dib u eegista, iyadoo ay ka qeyb galayaan wasiiro arrimo dibadeed oo ka kala socda 14 dal oo Afrikaan ah, sida Masar, Zambia, Zimbabwe, Nigeria, Equatorial Guinea, Libya, Djibouti, Chad, South Sudan, Comoros, Ghana, Angola iyo Mauritania. .
Ururka Midowga Afrika oo ka kooban 55 dowladood, waa ururka ugu weyn qaaradda Afrika. 14 wadan oo shirkan ku matali doona ayaa AU ku soo xushay dariiqadeeda.
Wasiirada ayaa dib u eegis ku sameyn doona fulinta go’aamadii ka soo baxay shirkii saddexaad ee Iskaashiga Turkiga iyo Afrika ee 2021-ka, waxayna ka wadahadli doonaan tillaabooyinka loo baahan yahay in la qaado si waafaqsan qorshe howleedka 2022-2026 iyadoo ujeedadu tahay horumarinta iskaashiga Turkiga iyo Afrika.
Shirka ka dhacaya dalka Jabuuti ayaa sidoo kale lagu diyaarin doonaa shir madaxeedka afaraad ee Turkiga iyo Afrika oo lagu qaban doono dal Afrikaan ah sanadka 2026-ka.
Wasiiradu waxay qaadan doonaan bayaan wadajir ah oo hoosta ka xariiqaya rabitaanka labada dhinac si loo sii horumariyo xiriirka dhinacyada oo dhan oo ay ka mid yihiin dhaqaalaha, ganacsiga iyo maalgashiga.
“Ku dhawaaqida wadajirka ah waxay muujin doontaa aragtideena wadaagga ah ee ku aaddan xoojinta iskaashiga qoto dheer ee ka dhexeeya Turkiga iyo qaaradda Afrika,” ayuu yiri sarkaal ka tirsan Wasaaradda Arrimaha Dibadda. Waxa kale oo ay kor u qaadi doontaa arrimaha hadda taagan ee gobolka iyo caalamka, ayuu sarkaalku hadalkiisa ku daray.
Turkiga, oo ay weheliyaan quwadaha caanka ah ee caalamka sida Maraykanka, Shiinaha iyo Ruushka, waa mid ka mid ah saaxiibada istiraatijiyadeed ee Midowga Afrika, waxaana ay wanaajinaysaa xidhiidhka ay la leedahay qaaradda oo dhan iyada oo ay ugu wacan tahay furitaanka Afrika oo labaatan sano jirsatay.
Waxa Turkiye ku kala saaraya jilaa muhiim ah oo ka tirsan qaaradda waa iyada oo aan lahayn asal gumaysi oo ay ula dhaqanto dalalka Afrika si siman.
Ganacsiga Turkiga ee qaaradda ayaa kor u dhaafay 40 bilyan oo doolar, baaxadda mashaariicda ay fuliyaan shirkadaha qandaraaslayaasha ah ee Turkiga ayaa gaaray $85 bilyan qaaradda.
