Warar dheeraad ah ayaa laga helaya dagaal culus oo ka dhacay deegaanka Xalaalay oo ka mid ah deegaanada hoostaga degmada Halgan ee gobolka Hiiraan.
Dagaalka ayaa aha mid u dhaxeeyay ciidamada difaaca deegaanka iyo kuwa kooxda Al-shabaab, waxaana lasoo wariyay inuu geystay dagaalka khasaare isugu jira dhimasho iyo dhaawac kala gaaray labada dhinac.
Inta la xaqiijiyay ilaa 6 ruux oo laba ka mid ah yihiin ciidanka deegaanka afarta kalana yihiin Al-shabaab ayaa ku geeriyootay dagaalka ka dhacay deegaanka Xalaalay ee gobolka Hiiraan.
Dagaalkaan ayaa daba socday dagaalo goos goos ahaa oo maalmahii lasoo dhaafay ku dhexmaraayay deegaano u dhaxeeya magaalooyinka Halgan iyo Buula burte ee bartamaha gobolka Hiiraan.
Xubnaha Al-shabaab ee ka dagaalamaya deegaanada dhaca bariga gobolka Hiiraan ayaa ah kuwa Wabiga Shabeelle kaga soo talaabada dhanka Galbeedka gobolka oo wali kooxdu ku leedahay fariisimo waa weyn.
