Faah faahin cusub ayaa kasoo baxaysa in eedeysanaha dilka Islii Hashim Dagane Muxumed uu ahaa gacan ku dhiigle la soo kireystay oo loo xilsaaray inuu dilo saddex haween ah.
Sida laga soo xigtay baaritaannada, tuhmanaha ayaa ku andacoonaya in, iyo dad kale oo badan, uu ku lug lahaa dilka Warris Daa’uud, cunug ay dhashay iyo gabar ay adeer u ahayd.
Hashim, si kastaba ha ahaatee, waxa uu qirtay in uu keligiis dilay Deeqa Cabdinoor oo uu jarjaray xubnaha jirkeeda ka hor inta uusan ku tuurin Qabuuraha Lang’ata.
Haashim ayaa shalay oo jimco ahayd u kaxaystay baarayaal xaqiiqo raadin ah oo baadi goobaya xubno ka maqan oo ay lahayd Deeqa Abdinoor oo ku taal qabuuraha Lang’ata ee magaalada Nairobi.
Goobta uu dilku ka dhacay ayaa la sheegay in Eedeysanaha uu qirtay in uu dilay Gabadha,islamarkaana uu ku daadiyay qeybo kala duwan oo ka tirsan Qabuuraha. Haashim ayaa sheegay in uu si arxan darro ah u dilay Deeqa sababtoo ah waxay ogeyd inuu dilay Warris Daa’uud, Nusayba Cabdi, iyo Aamina Cabdi.
Sida laga soo xigtay isaga, tani waxay ahayd sababta dilka ardaygii Jaamacadda Great Lakes, oo ay saaxiibo ahaayeen.
Horaantii bishan, ayaa waxaa qabuuraha laga helay qeybo ka mid ah jirka bini’aadamka, waxaana booliisku ay sheegeen in qeybo ka mid ah jirka ay wali ka maqan yihiin lafaha la soo saaray. Qaybaha maqan ayaa ahaa kuwii la raadinayey Jimcihii. Xubnaha jirka ee weli maqan waxaa ka mid ah qeybo ka mid ah gacmaha iyo lugaha.
Markii la soo gaba gabeeyay baaritaanka, booliisku waxay sheegeen inay awoodi waayeen inay helaan xubnaha jirka ee maqan. Waxaa la rumeysan yahay in ay cuneen waraabe ka yimid beerta qaranka ee Nairobi oo ay jaarka yihiin.
Dhanka kale, DNA-da ayaa laga qaaday, qoyska Deka ayaana sugaya natiijada.
Faahfaahino cusub ayaa sidoo kale soo baxaya oo sheegaya in Haashim Dagane uu ahaa gacan ku dhiigle la soo kiraystay oo malaayiin shilin la siiyay si uu u dilo Warris Daa’uud.
Booliisku waxay sheegeen in ujeedku ahaa saddex xagal jacayl oo ay ku lug lahaayeen Warris iyo haweenay kale. Baarayaasha ayaa sheegay in Aamina Cabdi iyo Nusayba Cabdi loo dilay dammaanad ahaan.
Baarayaasha ayaa wali baadigoobaya dad kale oo ay daneynayeen kuwaas oo la rumeysan yahay in ay qeyb ka ahaayeen kooxihii dilka geystay, iyadoo midkiiba la sheegay in la siiyay in ka badan 1 milyan oo Sh.
Eedeysanaha ayaa weli ku jira gacanta booliska ilaa 2-da December, markaasoo la horgeyn doono maxkamadda si loo helo tilmaamo dheeraad ah.
Waxa uu wajahayaa eedeymo dil ah oo lagu soo oogay afar qof, kuwaas oo lagu dilay mid ka mid ah qaabkii ugu naxdinta badnaa ee abid dalka ka dhaca muddooyinkii dambe.
