Faah-faahino dheeraad ah ayaa kasoo baxaya dil wiil dhalinyaro aha xalay loogu gaystay gudaha degmada Dharkenley ee gobolka Banaadir.
Dilka ayaa waxaa lasoo wariyay inuu gaystay askari ka tirsan ciidamada NISA oo goobta ka baxsaday sida ay innoo sheegeen dad goobjoogayaal ah.
Wararka qaar ayaa intaasi daraya in wiilka xilliga la dilayay uu cayaarayay kubad isla markaana uu muran soo kala dhex-galay isaga iyo askariga dilka gaystay.
Ehellada ayaa sheegay in wiilkooda aanu gaysan wax dambi ah isla markaana loo dilay si xaq darro ah iyaga oo dalbaday cadaalad.
Mararka qaar askarta ciidamada dowladda ayaa dilal ka gaysta caasimadda soomaaliya ee muqdisho inkastoo muddooyinkii u dambeeyay aad looga nastay.
