Wafdi caafimaad oo ka socda dalka Masar ayaa soo gaaray Soomaaliya si ay howlo kala duwan iyo daweyn u sameeyaan muwaadiniinta Soomaaliyeed, sidaas waxaa qortay DSEE NEWS Jimcihii.
Wasiiru Dowlaha Wasaaradda Caafimaadka Xukuumadda Soomaaliya Marwo Maryam Maxamed Xuseen oo wafdiga ka socota Dowladda Masar ku soo dhaweysay Garoonka Diyaaradaha ee Aadan Cabdulle Cismaan.
Wasiiru dowlaha Wasaaradda Caafimaadka Xukuumadda Soomaaliya Marwo Maryam Maxamed Xuseen ayaa wafdigan ku soo dhaweysay markii ay ka soo degeen Garoonka Diyaaradaha Aadan Cadde.
Kooxdan dhakhaatiirta qalliinka ah iyo la-taliyayaal caafimaad ayaa waxay isbitaalka guud ee De Martino ee magaalada Muqdisho ka fulin doonaan qalliin lafaha, burooyinka, qalliinnada wadnaha si ay uga faa’ideystaan 700 oo bukaan oo Geeska Afrika ku nool.
Sanadihii la soo dhaafay, Masar iyo Soomaaliya waxay xoojiyeen xiriirka, iyagoo kala saxiixday heshiisyo is-afgarad ah sanadka 2022 oo diiradda lagu saarayo caafimaadka, waxbarashada sare, warbaahinta iyo iskaashiga dhaqanka iyo diinta.
Bishii Luulyo, Masar waxay bilowday duulimaadkeedii ugu horreeyay ee toos ah ee u dhexeeya Qaahira iyo Muqdisho si kor loogu qaado xiriirka Geeska Afrika. Bishii Agoosto, Masar ayaa ku dhawaaqday furitaanka xarun cusub oo safaaradda Masar ku leedahay caasimadda Soomaaliya.
