Madaxweynaha Dowladda Federaalka Soomaaliya, Xasan Sheekh Maxamuud ayaa lagu wadaa in uu maanta la kulmo madaxda Dalka Carbeed ee Qatar kaddib markii uu xalay gaaray Magaalada Dooxa ee Caasimadda Dalkaas.
Waxyaabaha ay kawada hadlayaan Madaxweyne Xasan Sheekh Maxamuud iyo Amiir Sheekh Tamiim Bin Xamad Aala-thani waa Xoojinta Iskaashiga Soomaaliya iyo Qatar, Amniga, Dhaqaalaha, Siyaasadda iyo qodobo kale oo quseeya Danaha Muqdisho & Dooxa.
Madaxweyne Xasan Sheekh Maxamuud ayaa safarkaan uu ku joogo Qatar waxa uu u yahay albaabka safarro uu ku kala tagayo Dalal kala duwan si uu u xoojiyo iskaashiga kala dhaxeeya waddamadaan dhanka Soomaaliya.
Qatar waxa ay safka hore uga jirtaa Dalalka Saaxiibada dhow la ah Soomaaliya isla markaana ka dhiidhiyay faragelinta Israa’iil ay ku samaysay midnimada iyo wadajirka Dalka, sidoo kale waxa ay ka gacansiisaa dhinacyo kala duwan sida Amniga, Dhaqaalaha & Tababarrada Ciidanka.
