Ciidamo ka tirsan kuwa dowladda ayaa waxay xalay Muqdisho ku xireen Weriye C/xafiid Nuur oo ah weriye ka tirsan telefishinka Somali Cable ee Muqdisho.
Ciidamo hubeysan oo wata gaadiid ayaa la tilmaamay inay degmada Waaberi xalay ku xireen Weriye C/xafiid Nuur iyadoo aan iyo ilaa haatan la ogayn halka ay geeyeeen weriyeha ciidamada dowladda.
Majiro wax war ah oo kasoo baxay dowladda oo ku aaddan xariga Weriye C/xafiid iyadoo arintan ay cambaareeyeen bahda saxaafadda iyo telefishinka Somali Cable oo uu ka tirsanaa.
Waxaa jira culuys badan oo soo wajahay weriyaasha ka howlgala warbaahinta madaxa banaan ee soomaaliya.
