Madaxweynaha Somaliland, Muuse Biixi Cabdi, oo sii xoojinaya ololaha doorashada ee bisha November, ayaa cafis u fidiyay 413 maxbuus oo lagu helay dambiyo fudud.
Muuse Biixi ayaa amar ku bixiyay in la sii daayo maxaabiistan ku jira xabsiyada kala duwan ee maamulkiisa, kuwaas oo loo haysto dambiyo kala duwan, kuwaas oo qaarkood la xukumay, qaarna aan weli la horgeyn maxkamad si cadaaladda loo horgeeyo.
Biixi oo culays siyaasadeed oo culus ka dareemaya doorashada, ayaa tallaabadan u qaaday si uu u qaboojiyo kulaylka siyaasadeed ee murashaxiinta mucaaradka ah ee ka soo horjeeda maamulkiisa.
Xisbiyada Mucaaridka ah ee Xukuumadda Somaliland ayaa balan qaaday inay ku guulaysan doonaan Kursiga Muuse Biixi Cabdi iyo Xisbigiisa Kulmiye oo muddo badan xukuumadda u soo hogaaminayey sidii isbedel wanaagsani uga dhici lahaa Somaliland.
Axsaabta mucaaridka ah ee Somaliland ayaa marar badan madaxweyne Biixi ku eedeeyey inuu dimuquraadiyada wiiqayo, isla markaana uu hor istaagayo fursad kasta oo uu ku hor marin lahaa deegaanada Somaliland, taasoo walaac ka muujisay wada tashi la’aanta iyo hufnaanta hannaanka go’aannada maamulka.
