Maraykanku ayaa Soomaaliya ka fuliyay 23 duqeyn tan sanadkan, kuwaas oo lagu beegsaday Al-Shabaab iyo Daacish, sida ay sheegtay AFRICOM.
Afhayeenka AFRICOM, Major Mahalia Frost, ayaa sheegay in kororka weerarrada uu la xiriiro dadaal ballaaran oo Maraykanku ka wado qaaradda Afrika si looga hortago kooxda Daacish, oo ay ka mid yihiin duqeymo dhawaan laga fuliyay Nigeria.
Maraykanku wuxuu kaloo sheegay in dhibaatooyinka ka jira Soomaaliya iyo Nigeria ay isku xiran yihiin, sidaas darteedna loo baahan yahay iskaashi goboleed iyo wadaag xog sirdoon.
Taliyaha ku-xigeenka AFRICOM, Lieutenant General John Brennan, ayaa xusay in Maraykanku uu si dhow ula shaqeynayo dalalka saaxiibka ah, isagoo siinaya taageero ciidan, sirdoon iyo qalab, si si toos ah looga hortago khataraha argagixisada.
Weerarrada Maraykanka ee Soomaaliya ayaa si weyn u kordhay, iyadoo Trump uu amar ku bixiyay 219 weerar iyo hawlgallo dhulka ah afar sano gudahood.
Dowladda Soomaaliya ayaa sheegtay in bishan gudaha hawlgal wadajir ah lagu dilay hoggaamiye sare oo ka tirsan Al-Shabaab.
Maraykanku muddo dheer ayuu ku lug lahaa arrimaha Soomaaliya, gaar ahaan dagaalka ka dhanka ah Al-Shabaab iyo Daacish.
Tan iyo bartamihii 2000-meeyadii ayuu Maraykanku weerarro ka fulinayay dalka, kaddib markii Al-Shabaab ay soo baxday.
